aa hee gaya vo mujh ko lahad mein utaarane
gafalat zara na kee mire gafalat-sheaar ne
o be-naseeb din ke tasavvur ye khush na ho
chola badal liya hai shab-e-intizaar ne
ab tak aseer-e-daam-e-fareb-e-hayaat hoon
mujh ko bhula diya mire paravaradigaar ne
nauha-gaaron ko bhee hai gala baithane kee fikr
jaata hoon aap apanee ajal ko pukaarane
dekha na kaarobaar-e-mohabbat kabhee ‘hafeej’
fursat ka vaqt hee na diya kaarobaar ne