main kal raat nahin roya tha
dukh sab jeevan ke vismrt kar,
tere vakshasthal par sir dhar,
teree godee mein chidiya ke bachche-sa chhipakar soya tha!
main kal raat nahin roya tha!
pyaar-bhare upavan mein ghooma,
phal khae, phoolon ko chooma,
kal durdin ka bhaar na apane pankho par mainne dhoya tha!
main kal raat nahin roya tha!
aansoo ke daane barasaakar
kin aankho ne tere ur par
aise sapanon ke madhuvan ka madhumay beej, bata, boya tha?
main kal raat nahin roya tha!