so gae hain gaan!
mat jagaana, abhee aaya hai kisee ka dhyaan!
chhand mein kar band
priy ko bahut roka,
de na paaya par svayan
ko haay dhokha,
nayan ko vaanee milee, par svar hue paashaan!
raat aayee nasha lekar,
chaand nikala,
yaad ho aaya sabhee
samvaad pichhala,
badal karavat jaag baithe, phir sabhee abhimaan!
mil gaya dhan
rank ko is neend mein,
juda hoon nij ank
ko main neend mein,
aur likh loon punah sapanon mein kisee ke gaan!