khabaron ke baajaar mein lagabhag
utpaad ke samaan maujood hotee hain ve
unake hisse ka dukh va andhera
dikhaee nahin deta hamen
ve desh duniya kee khabaron ko baanchate hue
aashchary ke samaan maujood hotee hain
hamaare saamane-
tee. vee. ke parde par
ve aankadon, atakalon,
utsukataon, jigyaasaon,
sambhaavanaon, nateejon ka
baajaar phailaakar rakh detee hain
hamaare saamane
hamaaree ichchha ya anichchha jaane bagair
desh duniya kee
chhotee badee ghatanaon par
gadee huee unakee nigaahen
dekh bhee paatee hongee ya nahin
apane aasapaas kee
apane ghar parivaar kee
chhotee motee saadhaaran see samasyaon ko
kya pata
unake liye amaanaveeyata
avasaravaadita, kroorata, hridayaheenata
jod-tod, saath-gaanth, uthaapatak
vakt ka takaaja hai
baajaar kee maang hai
apane ko banaaye rakhane kee kala hai
yaani jeevan ke
naye beej shabd hain
hatya, loot, balaatkaar
dangon kee dil dahala dene vaalee
jin ghatanaon ko dekhakar
paseene se tarabatar ho
maare bhay ke kaamp-kaamp jaatee hain
hamaare gharon kee striyaan
un khabaron ko baanchate hue
dekhate-dikhaate hue
jara bhee nahin badalata
unake chehare ka bhaav
chipakee hotee hai
ek yaantrik muskuraahat unake chehare par
unake dvaara padhee jaane vaalee khabaron mein
shaamil nahin hota
unaka parivaar, unake bachche
unaka sukh-dukh, sangharsh,
unake abhaav, unake aansoo,
unakee samriddhi
unake bistaron kee avaidh silavaten
unake talaak ke kisse
aur teesare pati ka naam
har baar
kaamarshiyal brek ke baad
jab ve lautatee hain dobaara
unake honthon par
lipastik ka rang
kuchh aur gahara va taaja ho jaata hai
ve teesaree duniya ke desh se aayee hain
magar lagatee bilkul bhee nahin
kisee bhee apriy ghatana-durghatana
kisee anahonee
kisee kee mrtyu ya aatmahatya
ya kisee saamoohik narasanhaar par
do minat ka
maun rakhane kee aajaadee nahin unhen
ve jaanatee bhee hain
unake do minat ke maun se unake aakaon ko
pad sakata hai laakhon ka phark
maun kee avadhi mein
dikhaaya ja sakata hai
chaar ‘prachaar’
jo dikhaee nahin deta
vah yah
ki theek parde ke peechhe
vaataanukoolit kebin ke
rivaalving cheyar par baitha hua vyakti
tay karata hai
unake pahanane ke kapade
jvelaree lipastik
vahee tay karata hai
kaimare mein dikhengee kis kon se
khabaren baanchate hue
palaken kitana jhapakaayengee
muskaraayengee kab kab aur kitana
kitane phailenge honth
hansate hue dikhenge kitane daant
tee. vee. ke parde par
khoobasoorat, aajaad aur bindaas
teesaree duniya ke deshon se aayee
ye samaachaar vaachikaen
bhale hee lagatee nahin
magar jakadee hotee hain
adrishy bediyon se!
Closeclose