kankareela maidaan
gyaan kee tarah jathar-jad
lamba chauda
gat vaibhav kee vikal yaad mein-
badee door tak chala gaya hai gumasum khoya.
jahaan-tahaan kuchh kuchh dooree par,
usake unpar,
patale se patale danthal ke naajuk birave
thar-thar hilate hue hava mein khade hue
behad peedit.
har birave par mundaree jaisa ek phool hai
anupam, manohar,
har esee manahar mundaree ko
meenon nen chanchal aankhon se
neele saagar ke resham ke rashmi taar se,
har pattee par bade chaav se–badee jatan se–
apane apane premeejan ko dene ke khaatir kaadha tha
sadiyon pahale.
kintu nahin ve premee aaye
aur machhaliyaan sookh gayee hain–kankad hain ab.
aah! jahaan meenon ka ghar tha
vahaan bada maidaan ho gaya.
Closeclose