kavita

pukaar – a poem by Kedarnath Agarwal

Published by
Kedarnath Agarwal

ai insaanon!
aandhee ke jhoole par jhoolo
aag baboola ban kar phoolo
kurbaanee karne ko jhoomo
laal savere ka moonh choomo
ai insaanon os na chaato
apne haathon parvat kaato
path kee nadiyaan kheench nikaalo
jeevan peekar pyaas bujhaalo
rotee tumako raam na dega
ved tumhaara kaam na dega
jo rotee ka yuddh karega
vah rotee ko aap varega!

pukaar 

Published by
Kedarnath Agarwal