loader image

poora hindustaan milega – a poem by Kedarnath Agarwal

isee janm mein,
is jeevan mein,
hamko tumko maan milega.
geeton kee khetee karne ko,
poora hindustaan milega.

kalesh jahaan hai,
phool khilega,
hamko tumko gyaan milega.
phoolon kee khetee karne ko,
poora hindustaan milega.

deep bujhe hain
jin aankhon ke,
un aankhon ko gyaan milega.
vidya kee khetee karne ko,
poora hindustaan milega.

main kahta hoon,
phir kahta hoon,
hamko tumko praan milega.
moro-sa nartan karne ko,
poora hindustaan milega.

Add Comment

By: Kedarnath Agarwal

© 2021 Pothi | All Rights Reserved

Do not copy, Please support by sharing!