viphal prayatn hue saare,
main haaree, nishthurata jeetee.
are na poochho, kah na sakoongee,
tumase main apanee beetee.
nahin maanate ho to ja
un mukulit kaliyon se poochho.
athava virah vikal ghaayal see
bhramaraavaliyon se poochho.
jo maalee ke nithur karon se
asamay mein dee gaeen marod.
jinaka jarjar hrday vikal hai,
premee madhup-vrnd ko chhod.
sindhu-preyasee sarita se tum
jaake poochho mera haal.
jise milan-path par roka ho,
kaheen kisee ne baadha daal.