loader image

varna ro padoge – a poem by Kunwar Bechain

band honthon mein chhupa lo
ye hansee ke phool
varna ro padoge.

hain hava ke paas
anagin aariyaan
katakhane toophaan kee
taiyaariyaan
kar na dena aandhiyon ko
rokane kee bhool
varna ro padoge.

har nadee par
ab pralay ke khel hain
har lahar ke dhang bhee
bemel hain
phenk mat dena nadee par
nij vyatha kee dhool
varna ro padoge.

band honthon mein chhupa lo
ye hansee ke phool
varna ro padoge.

369
By: Kunwar Bechain

© 2022 Pothi | All Rights Reserved

Do not copy, Please support by sharing!