loader image

chal hava – a poem by Kunwar Bechain

chal hava, us or mere saath chal
chal vahaan tak jis jagah meree priya
ga rahee hogee naee taaja gajal
chal hava, us or mere saath chal.

chal jahaan mera amar vishvaas hai
aatmaon mein milan kee pyaas hai
aaj tak ka to yahee itihaas hai
hai jahaan madhuvan vaheen par raas hai
mil gaya jisako ki kaanha ka pata
kaun raadha hai jara too hee bata
jo kanhaiya se karegee preeti chhal
chal hava, us or mere saath chal.

mat phansa sukh chakr dukh kee keel mein
mat utha toophaan dukh kee jheel mein
ho sake to rakh naye jalate diye
aas ke bujhate hue kandeel mein
too hava hai kar surabhi ka aachaman
chhodakar apane puraane ye basan
too nae ahasaas ke kapade badal
chal hava, us or mere saath chal.

chal jahaan tak baansuree kee dhun chale
phool kee khushaboo chale, gunagun chale
bheeg ja too preeti ke har rang mein
saath jab tak praan ka phaagun chale
poochh mat ab ja raha hoon main kahaan
chal prateeksha mein khade honge jahaan
ek neelee jheel, do neele kamal
chal hava, us or mere saath chal.

852
By: Kunwar Bechain

© 2022 Pothi | All Rights Reserved

Do not copy, Please support by sharing!