loader image

shaakh par ek phool bhee hai

hai samay pratikool maana
par samay anukool bhee hai.
shaakh par ik phool bhee hai.

ghan timir mein ik diye kee
timatimaahat bhee bahut hai
ek soone dvaar par
bejaan aahat bhee bahut hai

laakh bhanvaren hon nadee mein
par kaheen par kool bhee hai.
shaakh par ik phool bhee hai.

virah-pal hai par isee mein
ek meetha gaan bhee hai
marusthalon mein ret bhee hai
aur nakhalistaan bhee hai

saath mein thandee hava ke
maanata hoon dhool bhee hai.
shaakh par ik phool bhee hai.

hai param saubhaagy apana
adhar par yah pyaas to hai
hai milan maana anishchit
par milan kee aas to hai

pyaar ik varadaan bhee hai
pyaar maana bhool bhee hai.
shaakh par ik phool bhee hai.

759
By: Kunwar Bechain

© 2023 Pothi | All Rights Reserved

Do not copy, Please support by sharing!