sab kuchh saleeqe se karane vaalee us ladakee ne
tay kar rakhee thee apane jaane kee taareekh bhee
shaadee ke ik roz pahale tak main bas tumhaaree hee hoon
***
ve bade jaanakaar hain
kalaee pakadakar hee dil kee dhadakan bata dete hain
main beaql tumhaare hone, na hone se tay kar paata tha
apane dil kee avastha
***
ham donon ek doosare se itane alag the
ki tumhen kachche ber pasand the, mujhe pake
baat bas itanee nahin thee
darasal pakane ke vaqt mein bahut kuchh badal jaata hai
***
jo maanachitr mein darj nahin hoteen
pahaadee ladakiyaan jaanatee hain
pahaad ke peechhe bahatee un nadiyon ka pata
aisee ladakiyon ko choom lena
prem ke naye bhoogol ko khojana hai
***
main saaf nahin bata sakata ki
main sabase zyaada udaas kis din tha
magar mujhe theek-theek yaad hai
tumhaare jaane kee taareekh
***
kaee baar ham apane oopar nahin lena chaahate
jo hain vaise ho jaane ka ilzaam
isalie ham khud ko dete hain
prem ka taaqatavar enesthisiya
aur phir bahaana karake pade rahate hain
khulee aankhon se dekhate hue apane saath hotee sarjaree
***
prem tak pahunchane vaale saare raaston par
saaf-saaf chetaavanee thee ki aage khatara hai
lekin main ek behad kharaab draivar tha
****
velentain de kee is shaam mujhase naaraaz baitheen tum
mujhe gina rahee theen ki
mere saath kyon nahin raha ja sakata
sachamuch kya kuchh nahin ho sakata is duniya mein
pichhale saal isee din tumane mujhe diya tha
‘101 reejans too liv vid yoo’ vaala kaard.