loader image

chaand ko dekho – a poem by Arsi Prasad Singh

chaand ko dekho chakoree ke nayan se
maap chaahe jo dhara kee ho gagan se.

megh ke har taal par, nav nrty karata
raag jo malhaar, ambar mein umadata
aa raha ingit mayooree ke charan se
chaand ko dekho chakoree ke nayan se.

daah kitanee, deep ke varadaan mein hai
aah kitanee, prem ke abhimaan mein hai
poochh lo sukumaar shalabhon kee jalan se
chaand ko dekho chakoree ke nayan se.

laabh apana, vaasana pahachaanatee hai
kintu mitana, preeti keval jaanatee hai
maang la re amrt jeevan ka maran se
chaand ko dekho chakoree ke nayan se
maap chaahe jo dhara kee ho gagan se.

Add Comment

By: Arsi Prasad Singh

© 2021 Pothi | All Rights Reserved

Do not copy, Please support by sharing!