loader image

Famous sher of Saail Dehlvi

aah karata hoon to aate hain paseene un ko
naala karata hoon to raaton ko vo dar jaate hain


jhadee aisee laga dee hai mire ashkon kee baarish ne
daba rakkha hai bhaadon ko bhula rakkha hai saavan ko


hamesha khoon-e-dil roya hoon main lekin saleeqe se
na qatara aasteen par hai na dhabba jaib o daaman par


mohatasib tasbeeh ke daanon pe ye ginata raha
kin ne pee kin ne na pee kin kin ke aage jaam tha


maaloom nahin kis se kahaanee miree sun lee
bhaata hee nahin ab unhen afsaana kisee ka


khat-e-shauq ko padh ke qaasid se bole
ye hai kaun deevaana khat likhane vaala


ye masjid hai ye may-khaana tajjub is par aata hai
janaab-e-shaikh ka naqsh-e-qadam yoon bhee hai aur yoon bhee


shabaab kar diya mera tabaah ulfat ne
khizaan ke haath kee boee huee bahaar hoon main


hain etibaar se kitane gire hue dekha
isee zamaane mein qisse isee zamaane ke


janaab-e-shaikh may-khaane mein baithe hain barahana-sar
ab un se kaun poochhe aap ne pagadee kahaan rakh dee


587

Add Comment

By: Saail Dehlvi

© 2022 Pothi | All Rights Reserved

Do not copy, Please support by sharing!