loader image

navambar kee dopahar – a poem by Dharamveer Bharti

apane halake-phulake udate sparshon se mujhako chhoo jaatee hai
jaarjet ke peele palle-see yah dopahar navambar kee !

aayee gayee rtuen par varshon se aisee dopahar nahin aayee
jo kvaanrepan ke kachche chhalle-see
is man kee ungalee par
kas jaaye aur phir kasee hee rahe
nit prati basee hee rahe, aankhon, baaton mein, geeton mein
aalingan mein ghaayal phoolon kee maala-see
vakshon ke beech kasamasee hee rahe

bheege keshon mein ulajhe honge thake pankh
sone ke hanson-see dhoop yah navambar kee
us aangan mein bhee utaree hogee
seepee ke dhaalon par kesar kee laharon-see
gore kandhon par phisalee hogee ban aahat
gadaraahat ban-ban dhalee hogee angon mein

aaj is vela mein
dard mein mujhako
aur dopahar ne tumako
tanik aur bhee paka diya
shaayad yahee til-til kar pakana rah jaayega
saanjh hue hanson-see dopahar paankhen phaila
neele kohare kee jheelon mein ud jaayegee
yah hai anajaan door gaanvon se aayee huee
rel ke kinaare kee pagadandee
kuchh kshan sang daud-daud
akasmaat neele kheton mein mud jaayegee…

1

Add Comment

By: Dharamveer Bharti

© 2021 Pothi | All Rights Reserved

Do not copy, Please support by sharing!