loader image

aangan – a poem by Dharamveer Bharti

barason ke baad usee soone- aangan mein
jaakar chupachaap khade hona
risatee-see yaadon se pira-pira uthana
man ka kona-kona

kone se phir unheen sisakiyon ka uthana
phir aakar baanhon mein kho jaana
akasmaat mandap ke geeton kee laharee
phir gahara sannaata ho jaana
do gaadhee menhadeevaale haathon ka judana,
kanpana, bebas ho gir jaana

risatee-see yaadon se pira-pira uthana
man ko kona-kona
barason ke baad usee soone-se aangan mein
jaakar chupachaap khade hona!

871

Add Comment

By: Dharamveer Bharti

© 2022 Pothi | All Rights Reserved

Do not copy, Please support by sharing!