loader image

kavita kee maut – a poem by Dharamveer Bharti

laadakar ye aaj kisaka shav chale?
aur is chhatanaar baragad ke tale,
kis abhaagan ka janaaja hai ruka
baith isake paanyate, gardan jhuka,
kaun kahata hai ki kavita mar gaee?

mar gaee kavita,
nahin tumane suna?
haan, vahee kavita
ki jisakee aag se
sooraj bana
dharatee jamee
barasaat laharaee
aur jisakee god mein behosh puravaee
pankhuriyon par thamee?

vahee kavita
vishnupad se jo nikal
aur brahma ke kamandal se ubal
baadalon kee tahon ko jhakajhoratee
chaandanee ke rajat phool batoratee
shambhu ke kailaash parvat ko hila
utar aaee aadamee kee jameen par,
chal padee phir muskuraatee
shasy-shyaamal phool, phal, fasal khilaatee,
svarg se paataal tak
jo ek dhaara ban bahee
par na aakhir ek din vah bhee rahee!
mar gaee kavita vahee

ek tulasee-patr au
do boond gangaajal bina,
mar gaee kavita, nahin tumane suna?

bhookh ne usakee javaanee tod dee,
us abhaagin kee achhootee maang ka sindoor
mar gaya banakar tapedik ka mareez
au sitaaron se kaheen maasoom santaanen,
maangane ko bheekh hain majaboor,
ya patariyon ke kinaare se utha
bechate hai,
adhajale
koyale.

(yaad aatee hai mujhe
bhaagavat kee vah badee mashahoor baat
jabaki braj kee ek gopee
bechane ko dahee nikalee,
au kanhaiya kee raseelee yaad mein
bisar kar sudh-budh
ban gaee thee khud dahee.
aur ye maasoom bachche bhee,
bechane jo koyale nikale
ban gae khud koyale
shyaam kee maaya)

aur ab ye koyale bhee hain anaath
kyonki unaka bhee sahaara chal basa !
bhookh ne usakee javaanee tod dee !
yoon badee hee nek thee kavita
magar dhanaheen thee, kamajor thee
aur bechaaree gareebin mar gaee !

mar gaee kavita?
javaanee mar gaee?
mar gaya sooraj sitaare mar gae,
mar gae, saundary saare mar gae?
srshti ke praarambh se chalatee huee
pyaar kee har saans par palatee huee
aadameeyat kee kahaanee mar gaee?

jhooth hai yah !
aadamee itana nahin kamazor hai !
palak ke jal aur maathe ke paseene se
seenchata aaya sada jo svarg kee bhee neenv
ye paristhitiyaan bana dengee use nirjeev !

jhooth hai yah !
phir uthega vah
aur sooraj kee milegee roshanee
sitaaron kee jagamagaahat milegee !
kafan mein lipate hue saundary ko
phir kiran kee naram aahat milegee !
phir uthega vah,
aur bikhare hue saare svar samet
ponchh unase khoon,
phir bunega naee kavita ka vitaan
nae manu ke nae yug ka jagamagaata gaan !

bhookh, khoonrezee, gareebee ho magar
aadamee ke srjan kee taaqat
in sabon kee shakti ke oopar
aur kavita srjan keeaavaaz hai.
phir ubharakar kahegee kavita
“kya hua duniya agar maraghat banee,
abhee meree aakhiree aavaaz baaqee hai,
ho chukee haivaaniyat kee inteha,
aadameeyat ka abhee aagaaz baakee hai !
lo tumhen main phir naya vishvaas detee hoon,
naya itihaas detee hoon !

kaun kahata hai ki kavita mar gaee?

’doosara taar-saptak’ se

1

Add Comment

By: Dharamveer Bharti

© 2022 Pothi | All Rights Reserved

Do not copy, Please support by sharing!