loader image

kapade ke joote – a poem by Alok Dhanwa

rel kee chamakatee huee patariyon ke kinaare
ve kapade ke puraane joote hain
ek aadamee unhen chhodakar chala gaya
aur ek hee qadam baad adrshy‍ ho gaya
kyonki jooton kee duniya hai sirf ek qadam kee

us or se guzar rahe raahageer ka
ek qadam peechha karate hue
ve kapade ke puraane joote hain
unake bheetar baarish ka paanee thahar gaya hai
hava tez chalane se baarish ka paanee pair kee tarah hilata hai

lagaataar bheegate hue ve joote phaphoond se dhank gae hain
aur zameen kee sabase baareek satah par to
ve joote ankur bhee rahe hain
main soch sakata hee hoon ki
kitanee baar khel ke nirnaayak kshanon mein
ye joote soory kee tarah garm hue honge!
in jooton ke bheetar dhool aur pahaadon se bhare
raaste bikhare hue hain—
aavaajon aur maidaanon ke bhatak gae chhor inhen tikane de rahe hain
aavaazon aur maidaanon ke bhatak gae chhor—
jo aadamee kee zarooraton se baahar rah gae!

in jooton ke bheetar kitanee baar
aavaara sailaaniyon kee aatma en pairon ke sahaare
neeche utaree hongee—
maheenon lagaataar rahee hongee in jooton ke bheetar
aatmaen—
chhaton aur raajyon se baahar–
samudr tal se kitana oopar!

kapade ke ye joote
sigaret aur roomaal kee tarah mulaayam
sigaret aur roomaal kee hee tarah havaon se bhare
ghonsalon kee tarah bune hue—
ye joote duniya mein hatya aur balaatkaar jaisee
thos cheezon ke virooddh
bahut taral hain
ghaas aur bhaasha mein mudate hue
namak ke qareeb badhate hue—
aur choohon ke lie to
kapade ke ye joote varnamaala kee tarah hain
jahaan se ve kutarane kee shuruaat karate hain

jooton kee duniya jahaan se shuroo huee hogee—
gadariye vahaan tak zaroor aae honge!
kyonki jooton ke bheetar ek nividata hai—
jo nasht nahin kee ja sakatee
kyonki bhedon ke bheetar ek nividata hai aaj bhee
jahaan se samudr sunaee padata hai
aur nivi‍data ek aisee cheez hai—
jahaan neend ke beej surakshit hain
jooton kee duniya jahaan se shuroo huee hogee
jaanavar vahaan tak jaroor aaye honge.

joote-jo praacheen hain
jis tarah naaven praacheen hain
chaahe unhen kal hee kyon na banaaya gaya ho
jaise phal—
jo jooton aur naavon se bhee adhik praacheen hain
chaahe ve aaj kee raat hee kyon na phale hon
jaise paal—
jo hamaare kapadon se bahut adhik praacheen dikhate hain
lekin hamaare kapade—
jo paalon se bahut adhik praacheen hain .
aur praacheenata ek aisee cheez hai—
jise apane ghutanon mein jagah do
taaki ye ghutane kisee taanaashaah ke aage na jhuk saken
kyonki bhay bhee ek praacheen cheez hai—
lekin hathiyaar bhee utane hee praacheen hain

aur zameen—
jo phal se adhik praacheen hai
beej kee tarah praacheen—
aur zameen par chalana—
jo itana aasaan kaam hai
phir bhee zameen par chal rahe aadamee ko dekhana
ek praacheen drshy ko dekhana hai—
zameen par chalana ek itana aasaan kaam hai
phir bhee
zameen par chalane kee smrti gahan hai

rel kee chamakatee huee patariyon ke kinaare
ve ab sirf kapade ke puraane joote hee nahin hain
balki ve ab
aise dhundhale aur khataranaak raaste bhee ho chuke hain—
jin par jaasoos bhee chalane mein asamarth hain
lekin jab taare chhitakane lagate hain
aur shaam kee tahaniyaan un puraane jooton mein bhar jaatee hain
to unheen dhundhale aur khataranaak raaston par svapn ke
sudoor chakke tez ghoomate hue aate hain aur
aadamee kee neend mein roshanee aur jaden phenkate hue
kahaan-kahaan phenk dee gaeen or chhod dee gaeen aur
bekaar padee cheezon ko ek
hariyaalee kee tarah bator laate hain!

jaanavar prakrti se aaer . aur din bhee .
lekin joote prakrti se nahin aae
jooton ko aadamiyon ne banaaya—
jis tarah baageechon ko aadamiyon ne banaaya
is tarah saath-saath chalane ke lie
aadamee ne mahaan cheezen banaeen
aur un mahaan cheezon mein joote aadamee
ke sabase nikat hain—
jahaaz se bhee adhik
sadakon, relon aur seedhiyon se bhee adhik
koshishon aur dhunon kee tarah
nirantar pravesh chaahate hue
kapade ke ve joote itane puraane ho chuke hain
koee kah sakata hai ki
jahaan ve joote hain vahaan koee samay nahin hai—
mrtyu bhee ab un jooton ko pahanana nahin chaahegee
lekin kavi use pahanate hain
aur shataabdiyaan paar karate hain!

698

Add Comment

By: Alok Dhanwa

© 2022 Pothi | All Rights Reserved

Do not copy, Please support by sharing!