naudurgon kee saanjh mein galee ke chhor se aatee thee
vihnal karatee chaupaee-gaayan kee aavaaz
sorathe tak aate-aate gaharaane lagatee thee raat
jeevan khada ho jaata tha rangamanch ke aage
raaston mein milate the jhare hue phool
chitavanen, vaatikaen, chhalee, balee, moorchchhaen
aur unheen ke beech uthatee putr-moh kee antim pukaar
naavon, jangalon, gaanvon aur pulon se hokar guzarate the
raag-viraag, brahmaastr aur varadaan ke baad ke vilaap
lekin nahin khelee jaatee thee ashvamedh kee leela
jo ab uttar-katha mein khelee ja rahee hai din-raat
jise kalaakaar nahin, baar-baar khelate hain vaanar-dal
gathit ho rahee hain naee-naee senae
roz ek naatak khada ho jaata hai jeevan ke aage.