kuchh logon ke paas har cheez zaroorat se bahut zyaada hai
ve log hee jagah-jagah dikhate hain baar-baar
unamen baar-baar dikhane kee saamarthy zyaada hai
ve log din-raat bane rahate hain akhabaaron mein,
telivijan mein, hamaaree baatacheet mein, sarakaaree chintaon mein
anek rahane lage hain paathy-pustakon mein aur vidyaarthiyon kee ichchhaon mein
ghar se baahar nikalane par bhee ve dikhate hain
chauraahon par, aspataalon mein, restaraan mein,
aur sulabh kompaleks ke postaron mein bhee
saarvajanik jagahen ab unakee hain
paark mein unake klab kee meeting chalatee hai
sadakon par gad jaate hain unake tamboo
bache hue pedon kee chhaaya unakee hai
sookhatee nadiyon ka paanee unaka
bachchon ke khilaunon par unheen kee tasaveeren
sastee se sastee tee-shart par bhee likha hai unaka naam
har vigyaapan mein unake parafyoom kee khushaboo
ye ve hee hain jinake paas sab kuchh zaroorat se bahut zyaada hai
kapade zyaada hain, gahane aur krokaree zyaada,
ghadiyon-chashmon kee bharamaar, jooton kee alag alamaariyaan,
andaraviyars aur ear kandeeshanars zyaada hain
bangale-makaan, zameenen, kaar-motar, farneechar zyaada,
sheyars, kampaniyaan, sho-rooms, banl balance zyaada,
nagadee zyaada, l e d, kampyootar, mobile zyaada,
mushkil yah nahin ki bahut zyaada laganevaala yah vivaran zyaada hai
mushkil yah hai ki unaka yah bahut zyaada, kaanoon ke mutaabik hai
mushkil yah hai ki yah niyamon ke anusaar hai aur bahut zyaada hai.