loader image

bandar aur madaaree – a poem by Hariaudh

dekho ladako, bandar aaya,
ek madaaree usako laaya.
usaka hai kuchh dhang niraala,
kaanon mein pahane hai baala.

phate-puraane rang-birange
kapade hain usake bedhange.
munh daraavana aankhen chhotee,
lambee dum thodee-see motee.

bhaunh kabhee hai vah matakaata,
aankhon ko hai kabhee nachaata.
aisa kabhee kilakilaata hai,
maano abhee kaat khaata hai.

daanton ko hai kabhee dikhaata,
kood-phaand hai kabhee machaata.
kabhee ghudakata hai munh ba kar,
sab logon ko bahut daraakar.

kabhee chhadee lekar hai chalata,
hai vah yon hee kabhee machalata.
hai salaam ko haath uthaata,
pet letakar hai dikhalaata.

thumak thumakakar kabhee naachata,
kabhee kabhee hai take jaanchata.
dekho bandar sikhalaane se,
kahane sunane samajhaane se-

baaten bahut seekh jaata hai,
kaee kaam kar dikhalaata hai.
bano aadamee tum padh-likhakar,
nahin ek tum bhee ho bandar.

Add Comment

© 2021 Pothi | All Rights Reserved

Do not copy, Please support by sharing!