loader image

ghar dekho bhaalo – a poem by Hariaudh

aankhen kholo bhaarat ke rahane vaalo.
ghar dekho bhaalo, sanbhalo aur sanbhaalo.
yah phoot, daalatee phoot rahegee kab tak.
yah chhed-chhaad au chhoot rahegee kab tak.
yah dhan kee jan kee loot rahegee kab tak.
yah soot-boot kee toot rahegee kab tak.
bal karo balee ban buree bala ko taalo.
ghar dekho bhaalo, sanbhalo aur sanbhaalo.

kyon chhoot-chhaat kee chhoot na ab tak chhootee.
kyon toot gayee kadiyaan hain ab tak tootee.
phoote na aankh vah jo na aaj tak phootee.
chhan-chhan chhanatee hee rahe prem kee bootee.
taj dheel, rang mein dhalo, dhang mein dhaalo.
ghar dekho bhaalo, sanbhalo aur sanbhaalo.

hain bauddh jain au sikkh hamaare pyaare.
chit ke bal kitane sukh ke uchit sahaare.
hinduon se na hain aaryasamaajee nyaare.
hain ek gagan ke sabhee chamakate taare.
uth pado ank bhar sab kalank dho daalo.
ghar dekho bhaalo, sanbhalo aur sanbhaalo.

naana mat hain to banen ham na matavaale.
ye ek doodh ke hain kitane hee pyaale.
tab mel-jol ke paden hamen kyon laale.
jab sab deeye hain ek jot hee vaale.
kar ujag door jan-jan ko jaag jaga lo.
ghar dekho bhaalo, sanbhalo aur sanbhaalo.

kyon baat-baat mein bahak bigaaden baaten.
kyon hamen gher len kisee neech kee ghaaten.
hon bhale hamaare divas, bhalee hon raaten.
laanat hai sah len agar samay kee laaten.
dhun baandha dhoom se apanee dhaak bandha lo.
ghar dekho bhaalo, sanbhalo aur sanbhaalo.

kya lahoo ragon mein rang nahin hai laata.
kya hai na kapil gautam kanaad se naata.
kya nahin geet geeta ka jee umagaata.
kya hai na madan-mohan ka vachan rijhaata.
mukh laalee rakh lo ai maee ke laalo.
ghar dekho bhaalo, sanbhalo aur sanbhaalo.

769

Add Comment

© 2022 Pothi | All Rights Reserved

Do not copy, Please support by sharing!