har kuchh kabhee na kabhee sundar ho jaata hai
basant aur hamaare beech ab bemaap phaasala hai
tum patajhad ke us ped kee tarah sundar ho
jo bina pachhataave ke
pattiyon ko vida kar chuka hai
thakee huee aur past cheejon ke beech
paanee kee aavaaj jis vikalata ke saath
jeevan kee yaad dilaatee hai
tum isee aavaaj aur isee yaad kee tarah
mujhe uttejit kar detee ho
jaise kabhee- kabhee marane ke theek pahale ya marane ke turant baad
koee antim prem ke lie taiyaar khada ho jaata hai
main is ujaad mein isee tarah khada hoon
mere shabd mera saath nahin de pa rahe
aur tum sookhe ped kee tarah sundar
mere is janam ka antim prem ho.