loader image

mittee kee mahima – a poem by Shivmangal Singh

nirmam kumhaar kee thaapee se
kitane roopon mein kutee-pitee,
har baar bikheree gaee, kintu
mittee phir bhee to nahin mitee!

aasha mein nishchhal pal jae, chhalana mein pad kar chhal jae
sooraj damake to tap jae, rajanee thumakee to dhal jae,
yon to bachchon kee gudiya see, bholee mittee kee hastee kya
aandhee aaye to ud jae, paanee barase to gal jae!

phasalen ugateen, phasalen katatee lekin dharatee chir urvar hai
sau baar bane sau bar mite lekin dharatee avinashvar hai.
mittee gal jaatee par usaka vishvaas amar ho jaata hai.

virache shiv, vishnu viranchi vipul
aganit bramhaand hilae hain.
palane mein pralay jhulaaya hai
godee mein kalp khilae hain!

ro de to patajhar aa jae, hans de to madhuritu chha jae
jhoome to nandan jhoom uthe, thirake to taandav sharamae
yon madiraalay ke pyaale see mittee kee mohak mastee kya
adharon ko chhoo kar sakuchae, thokar lag jaaye chhaharae!

unachaas megh, unachaas pavan, ambar avani kar dete sam
varsha thamatee, aandhee rukatee, mittee hansatee rahatee haradam,
koyal ud jaatee par usaka nishvaas amar ho jaata hai
mittee gal jaatee par usaka vishvaas amar ho jaata hai!

mittee kee mahima mitane mein
mit mit har baar sanvaratee hai
mittee mittee par mitatee hai
mittee mittee ko rachatee hai

mittee mein svar hai, sanyam hai, honee anahonee kah jae
hansakar haalaahal pee jae, chhaatee par sab kuchh sah jae,
yon to taashon ke mahalon see mittee kee vaibhav bastee kya
bhookamp uthe to dhah jae, booda aa jae, bah jae!

lekin maanav ka phool khila, ab se aa kar vaanee ka var
vidhi ka vidhaan lut gaya svarg apavarg ho gae nichhaavar,
kavi mit jaata lekin usaka uchchhvaas amar ho jaata hai
mittee gal jaatee par usaka vishvaas amar ho jaata hai.

784

Add Comment

© 2022 Pothi | All Rights Reserved

Do not copy, Please support by sharing!