maa kab se khadee pukaar rahee
putron nij kar mein shastr gaho
senaapati kee aavaaz huee
taiyaar raho, taiyaar raho
aao tum bhee do aaj vida ab kya adachan kya deree
lo aaj baj uthee ranabheree
paintees koti ladake bachche
jisake bal par lalakaar rahe
vah paraadheen bin nij grh mein
paradeshee kee dutkaar sahe
kah do ab hamako sahan nahin meree maa kahalaaye cheree
lo aaj baj uthee ranabheree
jo doodh-doodh kah tadap gaye
daane daane ko taras mare
laathiyaan-goliyaan jo khaeen
ve ghaav abhee tak bane hare
un sabaka badala lene ko ab baahen phadak rahee meree
lo aaj baj uthee ranabheree
ab badhe chalo, ab badhe chalo
nirbhay ho jag ke gaan karo
sadiyon mein avasar aaya hai
balidaanee, ab balidaan karo
phir maa ka doodh umad aaya bahanen detee mangal-pheree
lo aaj baj uthee ranabheree
jalane do jauhar kee jvaala
ab pahano kesariya baana
aapas ka kalah-daah chhodo
tumako shaheed banane jaana
jo bina vijay vaapas aaye maan aaj shapath usako teree
lo aaj baj uthee ranabheree