kitanee baar tumhen dekha par aankhen nahin bhareen
seemit ur mein chir aseem
saundary sama na saka
been mugdh besuth kurang
man roke nahin rooka
yon to kaee baar pee pee kar
jee bhar gaya chhaka
ek boond thee kintu ki jisakee trishna nahin maree
kitanee baar tumhen dekha par aankhen nahin bhareen
kaee baar durbal man pichhalee
katha bhool baitha
har puraanee, vijay samajh kar
itaraaya aintha
andar hee andar tha lekin
ek chor paitha
ek jhalak mein jhulasee madhu smrti phir ho gayee haree
kitanee baar tumhen dekha par aankhen nahin bhareen
shabd roop ras gandh tumhaaree
kan kan mein bikharee
milan saanjh kee laaj sunaharee
oosha ban nikharee
haay goonthane ke hee kram mein
kalika khilee jharee
bhar bhar haaree kintu rah gayee reetee hee gagaree
kitanee baar tumhen dekha par aankhen nahin bhareen