loader image

jhilamil taare – a poem by Subhadra Kumari Chauhan

kar rahe prateeksha kisakee hain
jhilamil-jhilamil taare?
dheeme prakaash mein kaise tum
chamak rahe man maare..

apalak aankhon se kah do
kis or nihaara karate?
kis preyasi par tum apanee
muktaavali vaara karate?

karate ho amit prateeksha,
tum kabhee na vichalit hote.
neerav rajanee anchal mein
tum kabhee na chhip kar sote..

jab nisha priya se milane,
dinakar nivesh mein jaate.
nabh ke soone aangan mein
tum dheere-dheere aate..

vidhura se kah do man kee,
lajja kee jaalee kholo.
kya tum bhee virah vikal ho,
he taare kuchh to bolo.

main bhee viyoginee mujhase
phir kaisee lajja pyaare?
kah do apanee beetee ko
he jhilamil-jhilamil taare!

546

Add Comment

© 2022 Pothi | All Rights Reserved

Do not copy, Please support by sharing!