loader image

tum – a poem by Subhadra Kumari Chauhan

jab tak main main hoon, tum tum ho,
hai jeevan mein jeevan.
koee nahin chheen sakata
tumako mujhase mere dhan.

aao mere hrday-kunj mein
nirbhay karo vihaar.
sada band rakhoongee
main apane antar ka dvaar.

nahin laanchhana kee lapaten
priy tum tak jaane paengeen.
peedit karane tumhen
vedanaen na vahaan aaengeen.

apane uchchhvaason se mishrit
kar aansoo kee boond.
sheetal kar doongee tum priyatam
sona aankhen moond.

jagane par peena chhak-chhakakar
meree madira kee pyaalee.
ek boond bhee shesh
na rahane dena karana khaalee.

nasha utar jae phir bhee
baakee rah jae khumaaree.
rah jae laalee aankhon mein
smrtiyaan pyaaree-pyaaree.

548

Add Comment

© 2022 Pothi | All Rights Reserved

Do not copy, Please support by sharing!