loader image

tum maanini raadhe – a poem by Subhadra Kumari Chauhan

thee mera aadarsh baalapan se tum maanini raadhe!
tum-see ban jaane ko mainne vrat niyamaadik saadhe.
apane ko maana karatee thee main brshabhaanu-kishoree.
bhaav-gagan ke krshn-chandr kee thee main chatur chakoree.
tha chhota-sa gaanv hamaara chhotee-chhotee galiyaan.
gokul use samajhatee thee main gopee sang kee aliyaan.
kutiyon mein rahatee thee, par main unhen maanatee kunjen.
maadhav ka sandesh samajhatee sun madhukar kee gunjen.
bachapan gaya, naya rang aaya aur mila vah pyaara.
main raadha ban gaee, na tha vah krshnachandr se nyaara.

kintu krshn yah kabhee kisee par zara prem dikhalaata.
nakh sikh se main jal uthatee hoon khaanapaan nahin bhaata.
khoonee bhaav uthen usake prati jo ho priy ka pyaara.
usake liye hrday yah mera ban jaata hatyaara.
mujhe bata do maanini raadhe! preeti-reeti yah nyaaree.
kyonkar thee us manamohan par avichal bhakti tumhaaree?
tumhen chhodakar ban baithe jo mathura-nagar-nivaasee.
kar kitane hee byaah, hue jo sukh saubhaagy-vilaasa.
sunatee unake gun-gun ko hee unako hee gaatee thee.
unhane yaadakar sab kuchh bhoolee un par bali jaatee thee.
nayanon ke mrdu phool chadhaatee maanas kee moorati par.
rahee thagee-see jeevan bhar us kroor shyaam-soorat par.
shyaama kahalaakar, ho baithee bina daam kee cheree.
mrdul umangon kee taanen thee- too mera, main teree.
jeevan ka nyochhaavar ha ha! tuchd unhonne lekha.
gaye, sada ke lie gaye phir kabhee na mudakar dekha.
atal prem phir bhee kaise hai kah do raajadhaanee!
kah do mujhe, jalee jaatee hoon, chhodo sheetal paanee.
kintu badalate bhaav na mere shaanti nahin paatee hoon.

987

Add Comment

© 2023 Pothi | All Rights Reserved

Do not copy, Please support by sharing!