loader image

naam – a poem by Badrinarayan

mujhe kaisa naam diya hai mere pita
main apane naam ke arth mein hee bindh-sa gaya hoon
jaise thuk gaee ho koee keel mere hrday-pradesh mein .

ab na jaane kitana karana padega durdharsh sangharsh
kitane vran sahane padenge
isake arthon ke paar jaane ke lie

apane aapaka gulaam main hota gaya hoon
mere pita

ye mujh mein naya raag bharane nahin dete
ye mujhe khud se aage kuchh dekhane nahin dete
main kya karoon ki isake arth se ho jaoon baree

kitanee ladaiyaan aur ladoon
kaun-sa darra paar karoon
kitanee baar aur kin-kin mausam mein
kosee mein lagaoon chhalaang

mujhe aise arthon kee gulaamee se
mukt hona hai mere pita

Add Comment

By: Badrinarayan

© 2023 Pothi | All Rights Reserved

Do not copy, Please support by sharing!