loader image

chumban ke do udaatt vaishnavee bimb

1.

rakh die tumane nazar mein baadalon ko saadhakar,
aaj maathe par saral sangeet se nirmit adhar,
aaratee ke deepakon kee jhilamilaatee chhaanv mein,
baansuree rakhee huee jyon bhaagavat ke prshth par.

2.

us din jab tumane phool bikhere maathe par,
apane tulasee dal jaise paavan honthon se,
main sahaj tumhaare garm vaksh mein sheesh chhupa,
chidiya ke sahame bachche-sa ho gaya mook,
lekin us din meree alabelee vaanee mein
the bol uthe,
geeta ke manjul shlok rchaen vedon kee.

chumban ke do udaatt vaishnavee bimb

655

Add Comment

By: Dharamveer Bharti

© 2022 Pothi | All Rights Reserved

Do not copy, Please support by sharing!