loader image

jhaansee kee raanee kee samaadhi par

is samaadhi mein chhipee huee hai, ek raakh kee dheree.
jal kar jisane svatantrata kee, divy aaratee pheree..
yah samaadhi yah laghu samaadhi hai, jhaansee kee raanee kee.
antim leelaasthalee yahee hai, lakshmee maradaanee kee..

yaheen kaheen par bikhar gaee vah, bhagn-vijay-maala-see.
usake phool yahaan sanchit hain, hai yah smrti shaala-see.
sahe vaar par vaar ant tak, ladee veer baala-see.
aahuti-see gir chadhee chita par, chamak uthee jvaala-see.

badh jaata hai maan veer ka, ran mein bali hone se.
moolyavatee hotee sone kee bhasm, yatha sone se..
raanee se bhee adhik hame ab, yah samaadhi hai pyaaree.
yahaan nihit hai svatantrata kee, aasha kee chinagaaree..

isase bhee sundar samaadhiyaan, ham jag mein hain paate.
unakee gaatha par nisheeth mein, kshudr jantu hee gaate..
par kaviyon kee amar gira mein, isakee amit kahaanee.
sneh aur shraddha se gaatee, hai veeron kee baanee..

bundele harabolon ke mukh hamane sunee kahaanee.
khoob ladee maradaanee vah thee, jhaansee vaalee raanee..
yah samaadhi yah chir samaadhi hai , jhaansee kee raanee kee.
antim leela sthalee yahee hai, lakshmee maradaanee kee..

987

Add Comment

© 2022 Pothi | All Rights Reserved

Do not copy, Please support by sharing!