loader image

raatonraat bhigo gae baadal

maanasoon utara hai
jaharee khaal kee pahaadiyon par

baadal bhigo gae raatonraat
saletee chhaton ke
kachche-pakke gharon ko
pramudit hain girijan

sondhee bhaap chhod rahe hain
seedhiyon kee
jyaamitik aakrtiyon mein
phaile hue khet
door-door…
door-door
deekh rahe idhar-udhar
daande ke donon or
daavaanal-dagdh vanaanchal
kaheen-kaheen daal raheen vyavadhaan
cheedon ki jhulasee pattiyaan
mausam ka pahala varadaan
in tak bhee pahuncha hai

jaharee khaal par
utara hai maanasoon
bhigo gaya hai
raatonraat sabako
inako
unako
hamako
aapako
mausam ka pahala varadaan
pahuncha hai sabhee tak…

(1984 mein rachit)

698

Add Comment

© 2022 Pothi | All Rights Reserved

Do not copy, Please support by sharing!