loader image

kohare mein shaayad na bhee deekhe

vo gaya
vo gaya
bilkul hee chala gaya
pahaad kee ot mein

laal-laal gola sooraj ka
shaayad subah-subah
deekh jae poorab mein
shaayad kohare mein na bhee deekhe!

filahaal vo
doobata-doobata deekh gaya!
dinaant ka aarakt bhaaskar
jeth ke ujale paakh kee nauveen saanjh
pasaaregee apana aanchal abhee-abhee
himmat na hogee tamisra ko
dharatee par jhaankane kee!

sahamee-sahamee-see vo prateeksha karegee
udhar, us or
khandahar kee ot mein!

jee haan, parityakt raajadhaanee ke
khandaharonvaale un udaas jhuramuton mein
tamisra karegee intazaar
do baje raat tak
yaani tithikram ke hisaab se,
aadhee dhulee chaandanee
tab tak khilee rahegee
phir, tamisra ka nambar aaega!
yaani andhakaar ka!

(1984 mein rachit)

596

Add Comment

© 2022 Pothi | All Rights Reserved

Do not copy, Please support by sharing!