loader image

sooryaast: ek impression – a poem by Dushyant Kumar

sooraj jab
kiranon ke beej-ratn
dharatee ke praangan mein
bokar
haara-thaka
sved-yukt
rakt-vadan
sindhu ke kinaare
nij thakan mitaane ko
nae geet paane ko
aaya,
tab nirmam us sindhu ne dubo diya,
oopar se laharon kee andhiyaalee chaadar lee dhaanp
aur shaant ho raha.

lajja se arun huee
tarun dishaon ne
aavaran hataakar nihaara drshy nirmam yah!
krodh se himaalay ke vansh-varttiyon ne
mukh-laal kuchh uthaaya
phir maun sir jhukaaya
jyon – kya matalab?
ek baar sahamee
le kampan, romaanch vaayu
phir gati se bahee
jaise kuchh nahin hua!

main tatasth tha, lekin
eeshvar kee shapath!
sooraj ke saath
hrday doob gaya mera.
anagin kshanon tak
stabdh khada raha vaheen
kshubdh hrday lie.
au main svayan doobane ko tha
svayan doob jaata main
yadi mujhako vishvaas yah na hota –-
main kal phir dekhoonga yahee soory
jyoti-kiranon se bhara-poora
dharatee ke urvar-anurvar praangan ko
jotata-bota hua,
hansata, khush hota hua.

eeshvar kee shapath!
is andhere mein
usee sooraj ke darshan ke lie
jee raha hoon main
kal se ab tak!

sooryaast: ek impression

527

Add Comment

By: Dushyant Kumar

© 2022 Pothi | All Rights Reserved

Do not copy, Please support by sharing!