kshan bhar ko kyon pyaar kiya tha?
arddh raatri mein sahasa uthakar,
palak samputon mein madira bhar
tumane kyon mere charanon mein apana tan-man vaar diya tha?
kshan bhar ko kyon pyaar kiya tha?
‘yah adhikaar kahaan se laaya?’
aur na kuchh main kahane paaya –
mere adharon par nij adharon ka tumane rakh bhaar diya tha!
kshan bhar ko kyon pyaar kiya tha?
vah kshan amar hua jeevan mein,
aaj raag jo uthata man mein –
yah pratidhvani usakee jo ur mein tumane bhar udgaar diya tha!
kshan bhar ko kyon pyaar kiya tha?