tum maidaanon aur pahaadon ke beech jhoolate ho
kisee adrshy jhoole mein
tum mein aag dahakatee hai jeevan kee
pahaad dar pahaad kee chadhaee karake pahunch jaate ho
jeevan kee talaash mein samooche revad ke saath
tum samajhate ho jaanavaron kee bhaasha bhee
bhaashaon kee tarah hee
tumhaaree aankhon mein bastee hai tumhaare jangalon kee
tumhaaree aavaaz mein jhalakate hain
nadiyon, jharanon, jangalon aur mausamon ke sangeet
gazab ke bunakar, kaareegar ho tum
apane hunaramand haathon se samajha dete ho prakrti kee bunaavat
in pahaadon aur jangalon mein basane aur basaane ka shoor kamaaya hai tumane khud pahaad aur jangal hokar hee
tum par nazar rakhatee hai ek aadamakhor vyavastha
tum samajh rahe ho na is khatare ko bhee?
tumhaare patthar, pahaad bhee choree ho rahe hain
tumhaare paanee ke daam lage hain
tum apane jangalon aur jaanavaron kee tarah hee durlabh jaati qaraar die gaye ho aankadon mein
jisake sarankshan kee baat surkhiyon mein hai
aur ye sab ek aazaad dharatee par
ek aazaad samay mein ho raha hai
luptapraay jaati banane se pahale hee shinaakht karo khataron kee bhee theek usee tarah
jaise tumane shinaakht kee hai durgam raaston kee
jo tumhen pahunchaate hain apane ghar
zinda, surakshit.