loader image

be-khabar – a nazm by Vafa Barahi

kuchh khabar ai hind vaalo hai ki tum ho be-khabar
kar raha hai zulm zaalim qaum ke har fard par
ye saraapa zulm hai bedaad kee tasveer hai
paar hai vo sab ke dil se jo kamaan mein teer hai
barbariyat is ka sheva shaitanat hai is ka kaam
chaahata hai umr bhar rakhana tumhen apana gulaam
is ka pesha rahazanee hai is ka maslak hai riya
is ka mazahab aur kya hai is ka mazahab hai daga
bekas-o-majaboor dil par raham kuchh khaata nahin
zulm kab karata nahin aazaar kab dhaata nahin
aise zaalim se hamesha tum ko ladana chaahie
paanv ke neeche sitamagar ko ragadana chaahie

be-khabar

854
By: Vafa Barahi

© 2022 Pothi | All Rights Reserved

Do not copy, Please support by sharing!