loader image

shikva – a nazm by Vafa Barahi

shab-e-vasl kyon hain rulaane kee baatein
karo kuchh to hansane hansaane kee baatein
dil-e-na-tavaan ko manaane kee baatein
nahin hain nahin haath aane kee baatein
munaasib hai kuchh intizaam-e-masarrat
pilao pilao sharaab-e-mohabbat

tumhee kah do kuchh had hai zulm-o-jafa kee
vafa kee tarah saaree duniya hai shaakee
kabhee ye ada kee kabhee vo ada kee
rahee shakl abatar dil-e-mubtala kee
nahin hain nahin hain mohabbat kee baatein
haqeeqat mein ye hain adaavat kee baatein

shikva

958
By: Vafa Barahi

© 2022 Pothi | All Rights Reserved

Do not copy, Please support by sharing!