loader image

yadi tum nahin maangoge nyaay

yah vishayon ka akaal nahin hai
yah un buniyaadee cheezon ke baare mein hai jinhen
thakakar ya kheejhakar raddee kee tokaree mein nahin daala ja sakata

jaise ki nyaay —
jo baar-baar maangane se hee mil paata hai thoda-bahut
aur na maangane se kuchh nahin, sirph anyaay milata hai
mushkil yah bhee hai ki yadi tum nahin maangoge
to vah samarth aadamee apane lie maangega nyaay
aur tab sab majaloomon par hoga hee anyaay

ki jab koee shaktishaalee ya ameer ya sattaadhaaree
lagaata hai nyaay kee guhaar to darasal vah
ek vrihat, global aur viraat anyaay ke lie hee
yaachika laga raha hota hai.

869
By: Kumar Ambuj

© 2021 Pothi | All Rights Reserved

Do not copy, Please support by sharing!