mohabbat karane vaale kam na honge
tiree mahafil mein lekin ham na honge
main aksar sochata hoon phool kab tak
shareek-e-girya-e-shabanam na honge
zara der-aashna chashm-e-karam hai
sitam hee ishq mein paiham na honge
dilon kee ulajhanen badhatee rahengee
agar kuchh mashavare baaham na honge
zamaane bhar ke gam ya ik tira gam
ye gam hoga to kitane gam na honge
kahoon bedard kyoon ahal-e-jahaan ko
vo mere haal se maharam na honge
hamaare dil mein sail-e-girya hoga
agar ba-deeda-e-pur-nam na honge
agar too ittifaaqan mil bhee jae
tiree furqat ke sadame kam na honge
hafeez un se main jitana bad-gumaan hoon
vo mujh se us qadar baraham na honge