loader image

vyangy – a poem by Shail Chaturvedi

hamanen ek berozagaar mitr ko pakada
aur kaha, “ek naya vyangy likha hai, sunoge?”
to bola, “pahale khaana khilao.”
khaana khilaaya to bola, “paan khilao.”
paan khilaaya to bola, “khaana bahut badhiya tha
usaka maza mittee mein mat milao.
apan khud hee desh kee chhaatee par jeete-jaagate vyangy hain
hamen vyangy mat sunao
jo jan-seva ke naam par aish karata raha
aur hamen berozagaaree ka rojagaar dekar
kursee ko kaish karata raha.

vyangy us afasar ko sunao
jo hindee ke prachaar kee daphalee bajaata raha
aur apanee aulaad ko angrezee ka paath padhaata raha.
vyangy us sipaahee ko sunao
jo bhrashtaachaar ko apana adhikaar maanata raha
aur jhoothee gavaahee ko pulis ka sanskaar maanata raha.
vyangy us doctor ko sunao
jo pachaas roopaye fees ke lekar
malaria ko t.b. batalaata raha
aur nurse ko apanee beebee batalaata raha.

vyangy us filmakaar ko sunao
jo film mein se ilm ghataata raha
aur sanskrti ke kapade utaar kar sensar ko pataata raha.
vyangy us saas ko sunao
jisane betee jaisee bahoo ko jvaala ka upahaar diya
aur vyangy us vaasana ke keede ko sunao
jisane apanee bhookh mitaane ke lie
naaree ko baazaar diya.
vyangy us shrota ko sunao
jo geet kee har pankti par bor-bor karata raha
aur bakavaas ko badhaava dene ke lie
vans mor karata raha.

vyangy us vyangyakaar ko sunao
jo arth ko anarth mein badalane ke lie
vazanadaar lifaafe kee maang karata raha
aur apana ulloo seedha karane ke lie
vyangy ko vikalaang karata raha.

aur jo vyangy svayan hee andha, loola aur langada ho
teer nahin ban sakata
aaj ka vyangyakaar bhale hee “shail chaturvedi” ho jae
kabeer nahin ban sakata.

856

Add Comment

By: Shail Chaturvedi

© 2023 Pothi | All Rights Reserved

Do not copy, Please support by sharing!