loader image

aankh aur ladkee – a poem by Shail Chaturvedi

vaise to ek shareeph insaan hoon,
aap hee kee tarah shreemaan hoon,
magar apanee aankh se,
bahut pareshaan hoon.

apane aap chalatee hai,
log samajhate hain -chalaee gaee hai,
jaan-boojh kar chalaee gaee hai,
ek baar bachapan mein,
shaayad san pachapan mein,
claas mein ,
ek ladakee baithee thee paas mein,
naam tha surekha,
usane hamen dekha,
aur baeen chal gaee,
ladakee haay-haay kahakar,
claas chhod baahar nikal gaee,
thodee der baad
principal ne bulaaya,
lamba-chauda
lekchar pilaaya,
hamane kaha ki jee bhool ho gaee,
vo bole-aisa bhee hota hai,
bhool mein,
sharm nahin aatee aisee gandee harakaten karate ho,
skool mein?

aur isase pahale ki,
hakeekat bayaan karate,
ki phir chal gaee,
principal ko khal gaee,
hua yah parinaam,
kat gaya naam,
bamushkil tamaam,
mila ek kaam,
intervyoo mein khade the queue mein,
ek ladakee thee saamane adee,
achaanak mudee,
nazar usakee ham par padee,
aur hamaaree aankh chal gaee,
ladakee uchhal gaee,
doosare ummeedavaar chaunke,
phir kya tha,
maar maar joote-chappal
phod diya bakkal,
sir par paanv rakhakar bhaage,
logbaag peechhe ham aage.

ghabaraahat mein,
ghus gaye ek ghar mein,
buree tarah haanph rahe the,
maare dar ke kaanp rahe the,
tabhee poochha us grhanee ne-
kaun?
ham khade rahe maun
vo bolee
bataate ho ya kisee ko bulaoon?
aur usase pahale,
ki jabaan hilaoon,
aankh chal gaee,
vah maare gusse ke, jal gaee,
saakshaat durga- see deekhee,
buree tarah cheekhee,
baat ki baat mein jud gaye adosee-padausee,
mausa-mausee, bhateeje-maama
mach gaya hangaama,
chaddee bana diya hamaara pajaama,
baniyaan ban gaya kurta,
maar maar bana diya bhurata,
ham cheekhate rahe,
aur peetane vaale, hame peetate rahe.

bhagavaan jaane kab tak,
nikaalate rahe rosh,
aur jab hamen aaya hosh,
to dekha aspataal mein pade the,
doctor aur nurse ghere khade the,
hamane apanee ek aankh kholee,
to ek nurse bolee,
dard kahaan hai?
ham kahaan kahaan bataate,
aur usase pahale ki kuchh,kah paate,
aankh chal gaee,
nurse kuchh na bolee,
baee gaad! (chal gaee),
magar doctor ko khal gaee,
bola itane serious ho,
phir bhee aisee harakat kar lete ho,
is haal mein sharm nahin aatee,
mohabbat karate hue,
aspataal mein,
un sabake jaate hee aaya vaard boy,
dene laga aapanee raay,
bhaag jaen chupachaap nahin jaanate aap,
badh gaee hai baat,
doctor ko gad gaee hai,
case aapaka bigaad dega,
na hua to mra bataakar,
jinda hee gadava dega.
tab andhere mein aankhen moondakar,
khidakee ke koodakar bhaag aae,
jaan bachee to laakhon pae.

ek din sakaare,
baapoojee hamaare,
bole hamase-
ab kya kahen tumase?
kuchh nahin kar sakate,
to shaadee kar lo,
ladakee dekh lo.
mainne dekh lee hai,
jara hailth kee kachchee hai,
bachchee hai phir bhee achchhee hai,

jaisee bhee, aakhir ladakee hai
bade ghar kee hai, phir beta
yahaan bhee to kadakee hai
hamane kaha-
jee abhee kya jaldee hai?
ve bole- gadhe ho
dhaee man ke ho gaye
magar baap ke seene par lade ho
vah ghar phans gaya to sambhal jaoge.

tab ek din bhagavaan se milake
dhadakate dil se
pahunch gaye rudakee, dekhane ladakee
shaayad hamaaree hone vaalee saas
baithee thee hamaare paas
bolee-
yaatra mein takaleef to nahin huee
aur aankh muee chal gaee
ve samajhee ki machal gaee

bolee-
ladakee to andar hai,
main ladakee kee maa hoon,
ladakee ko bulaoon?
aur isase pahale ki main jubaan hilaoon,
aankh chal gaee dubaara,
unhon ne kisee ka naam le pukaara,
jhatake se khadee ho gaeen.

ham jaise gae the laut aae,
ghar pahunche munh latakae,
pitaajee bole-
ab kya faayada,
munh latakaane se,
aag lage aisee javaanee mein,
doob maro chulloo bhar paanee mein
nahin doob sakate to aankhen phod lo,
nahin phod sakate hamase naata hee tod lo.

jab bhee kaheen aate ho,
pitakar hee aate ho,
bhagavaan jaane kaise chalate ho?
ab aap hee bataie,
kya karoon, kahaan jaoon?
kahaan tak gun aaoon apanee is aankh ke,
kamabakht joote khilavaegee,
laakh do laakh ke,
ab aap hee sambhaaliye,
mera matalab hai ki koee raasta nikaalie.

javaan ho ya vrddha, pooree ho ya addha
keval ek ladakee jisakee aankh chalatee ho,
pata lagaie aur mil jaaye to,
hamaare aadaraneey kaaka jee ko bataie.

875

Add Comment

By: Shail Chaturvedi

© 2023 Pothi | All Rights Reserved

Do not copy, Please support by sharing!