loader image

he votar mahaaraaj – a poem by Shail Chaturvedi

he votar mahaaraaj,
aap nahin aaye aakhir apanee harakat se baaz

note hamaare daab liye aur vot nahin daala
dikha narmada-ghaat saump dee haathon mein maala

doob gaye aansoo mein mere chhappar aur chhaanee
oopar se tum dikhalaate ho chulloo bhar paanee

mile na laddoo lokatantr ke daanv gaya khaalee
sookh gaee qismat kee bagiya rooth gaya maalee

baap-kamaee saaf ho gaee haaf huee kaaya
lokatantr ke svapn-mahal ka khisak gaya paaya

chaat gaee sab chana-chabaina ye chunaav chakiya
gaddee chheenee pratidvandee ne chamachon ne takiya

chaay paanee aur botalavaale karate hain phere
bees hazaar, bees khaaton mein chadhe naam mere

jhanda gaya bhaad mein mera, haay pada mahanga
bachcho ne chaddee silava lee, beevee ne lahanga

toot gaee rishvat kee doree, doob gaee lutiya
bichhane se pahale hee meree khadee huee khatiya

619

Add Comment

By: Shail Chaturvedi

© 2022 Pothi | All Rights Reserved

Do not copy, Please support by sharing!