pahala paanee gira gagan se
umada aatur pyaar,
hava huee, thande dimaag ke jaise khule vichaar.
bheegee bhoomi-bhavaanee, bheegee samay-sinh kee deh,
bheega anabheege angon kee
amaraee ka neh
paat-paat kee paatee bheegee-ped-ped kee daal,
bheegee-bheegee bal khaatee hai
gail-chhail kee chaal.
praan-praanamay hua pareva, bheetar baitha, jeev,
bhog raha hai
draveebhoot praakrt aanand ateev.
roop-sindhu kee
laharen uthatee,
khul-khul jaate ang,
paras-paras
ghul-mil jaate hain
unake-mere rang.
naach-naach
uthatee hai daamine
chihunk-chihunk chahun or
varsha-mangal kee aisee hai bheegee rasamay bhor.
main bheega,
mere bheetar ka bheega ganthil gyaan,
bhaavon kee bhaasha gaatee hai
jag jeevan ka gaan.
Closeclose