loader image

mool adhikaar – a poem by Shail Chaturvedi

kya kaha-chunaav aa raha hai?
to khade ho jaie
desh thoda bahut bacha hai
use aap khaie.
dekhiye na,
log kis tarah kha rahe hai
sadake, pul aur phaiktriyon tak ko pacha rahe hain
jab bhee dakaar lete hain
chunaav ho jaata hai
aur bechaara aadamee
netao kee bheed mein kho jaata hai.
sanvidhaan kee dhaaraon ko
svaarth ke gatar mein
milaane ka
har prayaas zaaree hai
khushaboo ke taskaron par
chaman kee zimmedaaree hai.
sabako apanee-apanee padee hai
har kaalee tasveer
sunahare frame mein jadee hai.
saare kaam apane-aap ho rahe hain
jisakee antee me gavaah hai
usake saare khoon
maaf ho rahe hain
insaaniyat mar rahee hai
aur raajaneeti
sabhyata ke safed canvas par
aadamee ke khoon se
hastaakshar kar rahee hai.
mool adhikaar?
bas vot dena hai
so diye jao
aur gangaajal ke desh mein
zahar piye jao.

669

Add Comment

By: Shail Chaturvedi

© 2022 Pothi | All Rights Reserved

Do not copy, Please support by sharing!