loader image

abhilaasha – a poem by N.R. Sagar

haan-haan main nakaarata hoon
eeshvar ke astitv ko
sansaar ke mool mein usake krtitv ko
vikaas-prakriya mein usake svatv ko
prakrti ke sancharan niyam mein
usake varchasv ko,
kyonki eeshvar ek mithya vishvaas hai
ek aakarshak kalpana hai
arddh-vikasit athava kalushit mastishk kee
tab jaag sakata hai kaise
isake prati shraddha ka bhaav?
sahaj lagaav?
phir bhee main chaahata hoon mandir mein pravesh
aur banana pujaaree

haan-haan main pujaaree banana chaahata hoon
dev-darshan ke lie nahin
poojan-archan ke lie nahin
keval jaanane ke lie ki—
dev-moorti ke saannidhy mein rahakar
ek maanav kaise ban jaata hai
paashaan-hrday amaanav?

apane bhog kee saamagree jodane
jan kee shraddha ko apanee or modane
vah dharm ka svaang kaise sajaata hai?
saral ka dohan karane
nirbal ka shoshan karane
kaise-kaise kuchakr chalaata hai?
kathit eeshvar-krt granthon ke
aadhaaraheen sandarbhon ko
svarachit aakhyaanon se
kaise praamaanik thaharaata hai?
bhole- bhaale saral naagarikon ko
anekaarthak goodh bhaasha-pravachan se
moorkh kaise banaata hai?

haan-haan main chaahata hoon pujaaree banana
devaalay kee chal-achal sampatti par
adhikaar ke lie
aur
saath hee ek chhatr svaamee banane
eeshvar kee prateek dev-moorti ka
badala chukaane ke lie,
joote lagaane ke lie
aur
sir par peshaab karane ke lie
saamane unake
jinhonne
dharm ka pratinidhi,
samaaj ka thekedaar banakar
rakha hai mujhe door aaj tak
mandir kee dahaleez tak se
shoony se utpann,
apaatr thaharaakar.

abhilaasha

Add Comment

By: N. R. Sagar

© 2022 Pothi | All Rights Reserved

Do not copy, Please support by sharing!