dhobee ka ladaka kuchh shaitaan hai
aur sabhyata kee usamen nihaayat kamee hai
vah mahabhaarat dekhana chaahata hai t.v. mein aur apane saath
apanee mailee-see bahan ko bhee le aata hai
ek din aisa hoga ki yah seeriyal khatm ho chuka hoga
phir to dhritaraashtr
pooree dillee mein poochhata phirega kisee dhobee ka pata
aur usake kaan se takaraengee lagaataar haarn kee aavaazen
mahabhaarat ke khatm hone ke baad kaalachakr kahata hai ki
sirf haarn bajate hain
aur khojane par bhee indraprasth mein kaheen koee dhobee nahin milata.
mahabhaarat ke baad
har kisee ke kapadon par dikhaee dete hain khoon ke daag.