loader image

Achaanak tum aa jao – a poem by Alok Dhanwa

itanee relen chalatee hain
bhaarat mein
kabhee
kaheen se bhee aa sakatee ho
mere paas

kuchh din rahana is ghar mein
jo utana hee tumhaara bhee hai
tumhen dekhane kee pyaas hai gaharee
tumhen sunane kee

kuchh din rahana
jaise tum gaee nahin kaheen

mere paas samay kam
hota ja raha hai
meree pyaaree dost

ghanee aabaadee ka desh mera
kitanee auraten lautatee hain
shaam hote hee
apane-apane ghar
kaee baar sachamuch lagata hai
tum unamen hee kaheen
aa rahee ho
vahee dubalee deh
baareek chaarakhaane kee
sootee sari
kandhe se jhoolata
jhaalar vaala jhola
aur pairon mein chappalen
main kahata joote pahano khilaadiyon vaale
bhaag-daud mein bharose ke laayak

tumhen bhee apane kaam mein
zyaada man lagega
mujhase phir ek baar milakar
lautane par

dukh-sukh to
aate jaate rahenge
sab kuchh paarthiv hai yahaan
lekin mulaaqaaten nahin hain
paarthiv
inakee taazagee
rahegee yaheen
hava mein !
inase banatee hain naee jagahen
ek baar aur milane ke baad bhee
ek baar aur milane kee ichchha
prthvee par kabhee khatm nahin hogee…

achaanak tum aa jao

Add Comment

By: Alok Dhanwa

© 2021 Pothi | All Rights Reserved

Do not copy, Please support by sharing!