prakrti badalatee kshan-kshan dekho,
badal rahe anu, kan-kan dekho.
tum nishkriy se pade hue ho.
bhaagy vaad par ade hue ho.
chhodo mitr! puraanee daphalee,
jeevan mein parivartan lao.
parampara se oonche uth kar,
kuchh to standard banao.
jab tak ghar me dhan sampati ho,
bane raho priy aagyaakaaree.
padho, likho, shaadee karava lo,
phir maano yah baat hamaaree.
maata pita se kaat kanekshan,
apana dadaba alag basao.
kuchh to standard banao.
karo praarthana, he prabhu hamko,
paise kee hai sakht zaroorat.
arth samasya hal ho jae,
sheeghr nikaalo aisee soorat.
hindee ke himaayatee ban kar,
sansthaon se neh jodiye.
kintu aapasee baatacheet mein,
angrejee kee taang todiye.
ise prayogavaad kahate hain,
samajho gaharaee mein jao.
kuchh to standard banao.
kavi banane kee ichchha ho to,
yah bhee kala bahut maamoolee.
nuskha batalaata hoon, likh lo,
kavita kya hai, gaajar moolee.
kosh khol kar rakh lo aage,
klisht shabd usamen se chun lo.
un shabdon ka jaal bichha kar,
chaaho jaisee kavita bun lo.
shrota jisaka arth samajh len,
vah to tukabandee hai bhaee.
jise svayan kavi samajh na pae,
vah kavita hai sabase haee.
isee yuktee se bano mahaakavi,
use “naee kavita” batalao.
kuchh to standard banao.
chalate chalate men rod par,
philmee gaane ga sakate ho.
chauraahe par khade khade tum,
chaat pakodee kha sakate ho.
bade chalo unnati ke path par,
rok sake kis ka bal boota?
yon prasiddh ho jao jaise,
bhaarat mein baata ka joota.
naee sabhyata, naee sanskrti,
ke nit chamatkaar dikhalao.
kuchh to staindard banao.
piknik ka jab mood bane to,
taajamahal par ja sakate ho.
sharad-poornima dikhalaane ko,
unhen saath le ja sakate ho.
ve dekhen jis samay chandrama,
tab tum nirakho sughar chaandanee.
phir donon mil kar ke gao,
madhur svaron mein madhur raaginee.
( too mera chaand main teree chaandanee ..)
aaloo chhola, koka-kola,
unaka bhog laga kar pao.
kuchh to standard banao.